संसदको हिउँदे अधिवेशन सुरू, प्रधानमन्त्रीको सम्बोधनका मुख्य बुँदा

काठमाडौं, १८ माघ – संसदको हिउँदे अधिवेशन राष्ट्रिय स्वतन्त्र पार्टीका सांसदहरूको बहिस्कारका बीच सुरू भएको छ। पहिलो बैठकमा प्रधानमन्त्री केपी शर्मा ओलीले सम्बोधन गर्दै मुलुकको वर्तमान अवस्थाबारे चर्चा गरे।

प्रधानमन्त्री ओलीले संसद् समक्ष देशको विकास र समृद्धि यात्रा, पुराना परियोजनाहरूको प्रगति तथा भावी योजनाहरू प्रस्तुत गरे। उनले ज्ञात–अज्ञात शहीदहरूको योगदान सम्झँदै विकासमा सरकारको प्राथमिकता रहेको बताए।

पछिल्लो नौ वर्षमा बुटवल–पाल्पा सडकखण्डको सिद्धबाबामा धेरै दुर्घटना भएकाले सुरुङमार्ग निर्माणको आवश्यकता महसुस गरिएको थियो।
संसद् अधिवेशन सुरू हुनुअघि नै सिद्धबाबा सुरुङमार्ग ब्रेकथ्रु भएको छ, जसले पाल्पा, स्याङ्जा, कास्की, गुल्मी र अर्घाखाँचीलाई बुटवलसँग जोड्नेछ।
कालीगण्डकी करिडोरसँग जोडिने सडकले स्थानीय जनताको जीवनमा ठूलो सुधार ल्याउनेछ।

प्रमुख पूर्वाधार परियोजनाहरू

काठमाडौं–तराई द्रुतमार्ग अन्तर्गत मकवानपुरको धेद्रे सुरुङमार्ग सम्पन्न भइसकेको छ।
जोगबनी–किमाथांका सडकमार्ग, जसले भारत र चीनलाई जोड्नेछ, हालै ब्रेकथ्रु भएको छ।
बुटवल–नारायणगढ सडक निर्माण तीव्र गतिमा अघि बढिरहेको छ।
मुग्लिन–पोखरा सडक सुधार कार्य सम्पन्न भइसकेको छ।
खेलकुद क्षेत्रका विकास योजनाहरू
कीर्तिपुर क्रिकेट मैदानलाई पूर्ण रंगशालाका रूपमा विकसित गरिनेछ, जसमा फ्लडलाइट जडानको प्रक्रिया अगाडि बढिसकेको छ।
सुर्खेतमा आधुनिक कर्णाली रंगशाला निर्माण सम्पन्न भएको छ, जसले स्थानीय खेलाडीलाई सुविधा प्रदान गर्नेछ।
प्रधानमन्त्रीले अधुरो रहेका विकास परियोजनाहरू पूरा गर्न सरकार प्रतिबद्ध रहेको बताए। उनले देशको समृद्धि यात्रालाई निरन्तरता दिन सरकार दृढ रहेको उल्लेख गरे।