ताइवानमा शक्तिशाली भूकम्प

काठमाडौँ। ताइवानको दक्षिणी क्षेत्रमा मङ्गलबार बिहान ६.४ रिक्टर स्केलको भूकम्प गएको छ। अमेरिकी भूगर्भ सर्वेक्षणका अनुसार, यो भूकम्प नेपाली समयअनुसार राति १:४५ बजे महसुस गरिएको थियो।

भूकम्पको केन्द्रबिन्दु ताइवानको युजिङ सहरबाट १२ किलोमिटर उत्तरमा रहेको थियो। भूकम्पका कारण १५ जना घाइते भएको जानकारी प्राप्त भएको छ। ताइवान फायर डिपार्टमेन्टले घाइतेहरूलाई अस्पतालमा भर्ना गरिएको जानकारी दिएको छ, जसमा एक बालक पनि छन्।

ताइनान सहरको नान्क्सी जिल्लामा रहेको एउटा घर भत्किँदा ६ जनालाई भग्नावशेषबाट उद्धार गरिएको छ। भूकम्पले राज्य राजमार्गमा रहेको झुवेई पुलमा पनि क्षति पुर्‍याएको छ, तर कुनै मृत्युको खबर आएको छैन।

ताइवान प्रशान्त महासागरको रिंग अफ फायर क्षेत्रमा रहेकोले बारम्बार भूकम्प जान्छ। दुई टेक्टोनिक प्लेटको बीचमा रहेको ताइवान यस प्रकारका प्राकृतिक विपत्तिहरूका लागि संवेदनशील क्षेत्र मानिन्छ। सन् २०१६ मा ताइवानमा गएको शक्तिशाली भूकम्पमा एक सयभन्दा बढी व्यक्तिले ज्यान गुमाएका थिए।